പേമാരിയിലും തകരാത്ത നിർമാണ വൈഭവമായ പഞ്ചവക്ത്ര ക്ഷേത്രം

 

വിരാഡ് പുരുഷനെ ശൈവ സമ്പ്രദായത്തിൽ ആരാധിക്കുന്ന  മാണ്ഡി പഞ്ചവക്ത്ര ക്ഷേത്രം 

സുകേതി, ബിയാസ് നദികളുടെ സംഗമസ്ഥാനത്ത് സ്ഥിതി ചെയ്യുന്ന പഞ്ചവക്ത്ര ക്ഷേത്രത്തിന്റെ ശാന്തമായ സൗന്ദര്യം രാജ്യത്തിന്റെ വിവിധ ഭാഗങ്ങളിൽ നിന്നുള്ള ധാരാളം സന്ദർശകരെ ആകർഷിക്കുന്ന ഒരു മഹാ ക്ഷേത്രം ആണ്.. ഒരു വലിയ ചത്വരത്തിലാണ് ക്ഷേത്രം നിലകൊള്ളുന്നത്. പഞ്ചവക്ത്ര ക്ഷേത്രം ശൈവ സമ്പ്രദായത്തിലുള്ള ഒരു മഹാ ക്ഷേത്രമാണ്. ശിഖര വാസ്തുവിദ്യാ ശൈലിയിലാണ് ക്ഷേത്രം നിർമ്മിച്ചിരിക്കുന്നത്. ഇവിടെ പഞ്ചമുഖ വിരാഡ് രൂപത്തിലാണ് ശിവന്റെ പ്രതിഷ്ട നിലകൊള്ളുന്നത്.ശിവന്റെ അഞ്ച് മുഖങ്ങളുള്ള വിഗ്രഹത്തിൽ നിന്നാണ് ക്ഷേത്രത്തിന്  പഞ്ചവഖ്ത്ര ക്ഷേത്രം എന്ന പേര് ലഭിച്ചത്, മുന്നിൽ നിന്ന് നോക്കുമ്പോൾ അതിൽ മൂന്നെണ്ണം മാത്രമേ കാണാൻ കഴിയൂ.

ആർക്കിയോളജിക്കൽ സർവ്വേ ഓഫ് ഇന്ത്യയുടെ കീഴിലുള്ള സംരക്ഷിത സ്മാരകങ്ങളിൽ ഒന്നാണിത്,  പഞ്ചവക്ത്ര ക്ഷേത്രത്തിനുള്ളിൽ ശിവന്റെ ഒരു വലിയ പ്രതിമയുണ്ട്. അഘോരൻ, ഈശാനൻ, തത് പുരുഷൻ, വാമദേവൻ, രുദ്രൻ എന്നിങ്ങനെ ശിവന്റെ വ്യത്യസ്ത സ്വഭാവങ്ങളെ ചിത്രീകരിക്കുന്ന അഞ്ച് മുഖങ്ങളാണ് വിഗ്രഹത്തിനുള്ളത് . അംഗോരൻ വിനാശകരമായ സ്വഭാവമാണ്, ഈശാന സർവ്വവ്യാപിയും സർവ്വശക്തനുമാണ്, തത് പുരുഷൻ അവന്റെ അഹംഭാവമാണ്, വാമദേവൻ സ്ത്രീ ഭാവമാണ്, രുദ്രൻ അവന്റെ സൃഷ്ടിപരവും വിനാശകരവുമായ ഭാവമാണ്. ഇവയെല്ലാം ചേർന്നതാണ് ശൈവ സമ്പ്രദായത്തിലെ വിരാഡ് പുരുഷ പഞ്ചവക്ത്രം.

പൻച്വക്ത്ര ക്ഷേത്രത്തിന്റെ നിർമാണ കാലഘട്ടം ഇപ്പോഴും അജ്ഞാതമാണ്. ചരിത്രപരമായ വസ്തുതകൾ അനുസരിച്ച്, സിദ് സെന്നിന്റെ ഭരണകാലത്ത് (1684-1727) വെള്ളപ്പൊക്കത്തിൽ കേടുപാടുകൾ സംഭവിച്ചതിനാൽ ക്ഷേത്രം പുനഃസ്ഥാപിച്ചു. ക്ഷേത്രത്തിന്റെ പ്രധാന പൂമുഖം അല്ലെങ്കിൽ മണ്ഡപം മനോഹരമായി കൊത്തിയ 4 തൂണുകളാൽ താങ്ങിനിർത്തിയിരിക്കുന്നു.

പഞ്ചവക്ത്ര ക്ഷേത്രം, നമ്മുടെ അഭിമാനകരമായ പൈതൃകമാണ്.

വിലാസം: മാണ്ഡി ജില്ല, മാണ്ഡി, ഹിമാചൽ പ്രദേശ്-175001