സർദാർ പട്ടേൽ ഇന്ത്യയെ ഒന്നാക്കിയ ഗുരു കാരണവർ

 

ഇന്ത്യയുടെ ഉരുക്കു മനുഷ്യൻ സർദാർ പട്ടേൽ 

ഇന്ത്യയുടെ ഉരുക്കുമനുഷ്യൻ" എന്നറിയപ്പെടുന്ന സർദാർ വല്ലഭായ് പട്ടേൽ ഇന്ത്യയെന്ന ഭാരതത്തിലെ ജനങ്ങൾക്കിടയിൽ ഏറ്റവും സ്വാധീനമുള്ള സ്വാതന്ത്ര്യ സമര സേനാനികളിൽ ഒരാളായി കണക്കാക്കപ്പെടുന്നു. നമ്മുടെ രാജ്യത്തിന്റെ സ്വാതന്ത്ര്യ സമരത്തിൽ അദ്ദേഹം വളരെ പ്രധാനപ്പെട്ട പങ്കുവഹിച്ചിട്ടുണ്ട്.

1875 ഒക്ടോബർ 31 ന് ബ്രിട്ടീഷ് അധിനിവേശ ഇന്ത്യൻ ഭൂപ്രദേശത്തെ ഗുജറാത്തിലെ നദിയാദ് ഗ്രാമത്തിൽ സ്ഥിതി ചെയ്യുന്ന ലുവ പട്ടേൽ പാട്ടീദാർ സമുദായത്തിലാണ് സർദാർ വല്ലഭായി ജനിച്ചത്. അദ്ദേഹത്തിന്റെ മുഴുവൻ പേര് "വല്ലഭായ് ജഹാവേർഭായ് പട്ടേൽ" എന്നാണ്, സർദാർ പട്ടേൽ എന്ന പേരിലും അദ്ദേഹം അറിയപ്പെടുന്നു. സർദാർ പട്ടേലിന്റെ അച്ഛൻ സവേർഭായ് പട്ടേൽ പട്ടാളത്തിൽ ജോലി ചെയ്തിരുന്നു. അമ്മ ലഡ്ബായിക്ക് ആത്മീയതയിൽ അതീവ താല്പര്യമുണ്ടായിരുന്നു. പട്ടേൽ ചെറുപ്പം മുതലേ ധീരനായ ഒരു വ്യക്തി ആയിരുന്നു.

ചുട്ടുപൊള്ളുന്ന ഇരുമ്പ് ദണ്ഡ് കൊണ്ട് വേദനാജനകമായ പരുവിന് ഒരു മടിയും കൂടാതെ ചികിത്സിക്കാൻ കഴിഞ്ഞ ഒരു സംഭവം അദ്ദേഹത്തെ അന്നേ തന്റെ ഗ്രാമത്തിലെ പ്രശസ്തനാക്കിയിരുന്നു. 22 ആമത്തെ വയസ്സിൽ, എല്ലാവരും ബിരുദം നേടിയ സമയത്ത്, സർദാർ പട്ടേൽ ഹൈസ്കൂൾ പൂർത്തിയാക്കിയിട്ടേ ഉണ്ടായിരുന്നുള്ളു. ഇക്കാരണത്താൽ, അദ്ദേഹം ഒരു സാധാരണ ജോലി ചെയ്ത് ലഖുവായ ജീവിതം നയിക്കുമെന്ന് പലരും വിശ്വസിച്ചു.

ഹൈസ്കൂൾ പൂർത്തിയാക്കിയ ശേഷം  സർദാർ പട്ടേൽ തന്റെ പഠനം തുടരുകയും ഇംഗ്ലണ്ടിൽ അഭിഭാഷകനും തുടർന്ന് ബാരിസ്റ്ററുമായി. 1900-കളിൽ ഇന്ത്യയിൽ തിരിച്ചെത്തിയ അദ്ദേഹം ഗുജറാത്തിലെ അഹമ്മദാബാദിൽ അഭിഭാഷകവൃത്തി തുടർന്നു.

1917-ൽ ഇന്ത്യൻ നാഷണൽ കോൺഗ്രസിന്റെ ഭാഗമായി ഗുജറാത്തിന്റെ സെക്രട്ടറിയായി വല്ലഭായി തിരഞ്ഞെടുക്കപ്പെട്ടു. കൈരയിലെ വെള്ളപ്പൊക്കത്തെത്തുടർന്ന് കർഷകർക്ക് നികുതി ചുമത്തുന്ന ബ്രിട്ടീഷുകാരുടെ സമ്പ്രദായത്തെ അദ്ദേഹം എതിർത്ത സമയമായിരുന്നു 1918. കൃഷിഭൂമി തിരിച്ചുനൽകാൻ ബ്രിട്ടീഷുകാരെ പ്രേരിപ്പിക്കാൻ അദ്ദേഹം പരമാവധി ശ്രമിച്ചു. ഭൂമി തിരിച്ചുപിടിക്കാനും തന്റെ പ്രദേശത്തെ കർഷകരെ ഒരുമിച്ച് കൊണ്ടുവരാനുമുള്ള അദ്ദേഹത്തിന്റെ ശ്രേഷ്ഠമായ ശ്രമങ്ങളാണ് അദ്ദേഹത്തിന് "സർദാർ" എന്ന പദവി ലഭിക്കാൻ കാരണമായത്.

കൂടാതെ, 1928-ൽ ബർദോളിയിലെ കർഷകർ നികുതി വർദ്ധനയുടെ പ്രശ്നം നേരിട്ടു. നികുതി അടക്കാൻ കഴിയാതെ വന്നപ്പോൾ കർഷകരുടെ ഭൂമി കണ്ടുകെട്ടി. കർഷകരുടെ പ്രതിനിധികളും സർക്കാരും തമ്മിൽ ചർച്ച നടത്തിച്ചു ഭൂമി കർഷകർക്ക് തിരികെ നൽകാൻ മാധ്യസ്‌ഥനായി നിന്ന വല്ലഭായിക്ക് കഴിഞ്ഞു. മഹാത്മാഗാന്ധിയുടെ നേതൃത്വത്തിൽ നടന്ന നിസ്സഹകരണ പ്രസ്ഥാനത്തിലും പട്ടേലിന് വലിയ പങ്കുണ്ട്. പട്ടേൽ ഗാന്ധിജിക്കൊപ്പം രാജ്യപര്യടനം നടത്തി, അവിടെ 300000 അംഗങ്ങളെ റിക്രൂട്ട് ചെയ്യുന്നതിൽ ഇരുവരും വിജയിക്കുകയും 1.5 ദശലക്ഷത്തിലധികം ആളുകളെ പങ്കെടുപ്പിക്കുന്നതിൽ വിജയിക്കുകയും ചെയ്തു.

മഹാത്മാഗാന്ധി ആരംഭിച്ച പ്രസിദ്ധമായ ഉപ്പ് സത്യാഗ്രഹ സമരത്തിൽ പങ്കെടുത്തതിന്റെ പേരിൽ 1930-ലാണ് സർദാർ വല്ലഭായ് പട്ടേലിനെ തടവിലാക്കിയത്. ജനക്കൂട്ടത്തെ വൻതോതിൽ സ്വാധീനിച്ച പ്രചോദനാത്മകമായ ഒരു പ്രസംഗവും അദ്ദേഹം നടത്തി. മഹാത്മാഗാന്ധി ജയിലിൽ കിടന്നപ്പോൾ ഗുജറാത്തിലുടനീളം വ്യാപിച്ച സത്യാഗ്രഹ സമരത്തെ പിന്തുണയ്ക്കാൻ അദ്ദേഹം എല്ലാ പരിപാടികളിലും പങ്കെടുത്തു. ഇർവിനും മഹാത്മാഗാന്ധിയും തമ്മിൽ ഒപ്പുവെച്ച ഒരു കരാറിനെ തുടർന്ന് പട്ടേൽ മോചിതനായ വർഷമാണ് 1931. അതേ വർഷം തന്നെ ഇന്ത്യൻ നാഷണൽ കോൺഗ്രസിന്റെ പ്രസിഡന്റ് സ്ഥാനത്തേക്ക് പട്ടേൽ തിരഞ്ഞെടുക്കപ്പെട്ടു.

ഗാന്ധിജി ആരംഭിച്ച ക്വിറ്റ് ഇന്ത്യാ സമരത്തിൽ, മറ്റ്  നേതാക്കൾ അദ്ദേഹത്തിന്റെ വീക്ഷണങ്ങൾക്ക് എതിരായിരുന്നപ്പോഴും വല്ലഭായ് പട്ടേൽ അദ്ദേഹത്തെ വളരെയധികം പിന്തുണച്ചു. പ്രചാരണത്തിൽ വിജയിക്കുന്നതിനുള്ള പട്ടേലിന്റെ ശ്രമങ്ങൾ 1941-ൽ പട്ടേലിന്റെ അറസ്റ്റിലേക്ക് നയിച്ചു, അത് 1945 വരെ നീണ്ടുനിന്നു.

അദ്ദേഹത്തിന്റെ യാത്ര ആവേശകരവും പ്രചോദനാത്മകവുമായിരുന്നു. തുടക്കത്തിൽ, മറ്റാരുടെയും പിന്തുണയില്ലാതെ തന്റെ പ്രൊഫഷണൽ ലക്ഷ്യങ്ങൾ നേടിയെടുക്കാൻ അദ്ദേഹത്തിന് കഴിഞ്ഞു. ബ്രിട്ടീഷ് വിദേശ ശക്തിക്കെതിരെ ഇന്ത്യൻ ജനതയെ ഒന്നിപ്പിക്കുന്നതിൽ അദ്ദേഹം പിന്നീട് നിർണായക പങ്ക് വഹിച്ചു. നാനാത്വത്തിൽ ഏകത്വം എന്ന സങ്കൽപ്പത്തിൽ അദ്ദേഹം പുലർത്തിയിരുന്ന വിശ്വാസവും ഇന്ത്യയുടെ സ്വാതന്ത്ര്യത്തിനായി ഒരുമിച്ച് നിൽക്കുന്നതിന്റെ പ്രാധാന്യം ജനങ്ങൾക്ക് മനസ്സിലാക്കി കൊടുക്കുന്നതിൽ വിജയിച്ചതിന്റെയും ഭലമായി ജനങ്ങൾക്കിടയിൽ അദ്ദേഹത്തിന് "ഇന്ത്യയുടെ ഉരുക്ക് മനുഷ്യൻ" എന്ന പേര് ലഭിച്ചു. അദ്ദേഹത്തിന്റെ നേതൃത്വപരമായ കഴിവുകളും ജീവിതത്തിന്റെ എല്ലാ തുറകളിലുമുള്ള ആളുകളുമായി ബന്ധപ്പെടാനുള്ള അദ്ദേഹത്തിന്റെ കഴിവും കണക്കിലെടുത്ത് അദ്ദേഹത്തെ സർദാർ പട്ടേൽ എന്ന് വിളിക്കപ്പെടുന്നു. അതായത് നേതാവ് പട്ടേൽ എന്ന് അർഥം.

1947-ൽ ഇന്ത്യക്ക് സ്വാതന്ത്ര്യം ലഭിച്ചതിനുശേഷം, ഇന്ത്യയുടെ ആദ്യ ഉപപ്രധാനമന്ത്രിയായി സർദാർ പട്ടേൽ നിയമിതനായി . ഇന്ത്യയ്ക്ക് സ്വതന്ത്ര പദവി ലഭിച്ചതിന് ശേഷമാണ് അദ്ദേഹം വഹിച്ച ഏറ്റവും പ്രധാനപ്പെട്ട പങ്ക്. സ്വാതന്ത്ര്യത്തിന് മുമ്പ് ബ്രിട്ടീഷ് സർക്കാർ നാട്ടുരാജ്യങ്ങളോട് രണ്ട് നിർദേശങ്ങൾ മുന്നോട്ട് വെച്ചു. ഒന്നുകിൽ പാക്കിസ്ഥാന്റെയോ ഇന്ത്യയുടെയോ ഭാഗമാകുകയോ അല്ലെങ്കിൽ സ്വതന്ത്ര രാജ്യമായി തുടരുകയോ ആയിരുന്നു നാട്ടുരാജ്യങ്ങൾക്കും ഇന്ത്യൻ രാഷ്ട്രീയ പ്രസ്‌ഥാനങ്ങൾക്കും ലഭിച്ച ആ നിർദേശം. ഇതെല്ലാം വളരെ വെല്ലുവിളി നിറഞ്ഞ വിഭജന ചുമതല സൃഷ്ടിച്ചു. ഈ ഭയാനകമായ ജോലി ഏറ്റെടുക്കാൻ സർദാർ പട്ടേലിനെ തിരഞ്ഞെടുത്തു. 562 സംസ്ഥാനങ്ങളെ സമന്വയിപ്പിച്ച് ഇന്ത്യൻ ഡൊമിനിയന്റെ കുടക്കീഴിൽ വരാൻ അദ്ദേഹത്തിന് കഴിഞ്ഞു. ഭൂരിഭാഗം പ്രദേശങ്ങളും സമന്വയിപ്പിക്കുന്നതിൽ അദ്ദേഹം വിജയിച്ചെങ്കിലും, ജുനഗർ, ഹൈദരാബാദ്, ജമ്മു കശ്മീർ എന്നീ പ്രദേശങ്ങൾ അപ്പോഴും അവശേഷിച്ചു. പിന്നീട് അവരും സമ്മതിച്ചു. അതിനാൽ, തന്റെ മൂർച്ചയുള്ള രാഷ്ട്രീയ കഴിവുകളിലൂടെ സാഹചര്യം കൈകാര്യം ചെയ്യാൻ അദ്ദേഹത്തിന് കഴിഞ്ഞു, ഒപ്പം തന്റെ പ്രവേശനം ഉറപ്പാക്കാനും കഴിഞ്ഞു.

സർദാർ പട്ടേലിന്റെയും അദ്ദേഹത്തെപ്പോലുള്ള മറ്റനേകം നിസ്വാർത്ഥ മനുഷ്യരുടെയും ജീവിതത്തിലുടനീളം നടത്തിയ പരിശ്രമങ്ങളുടെ ഫലമാണ് നാം ഇന്ന് ജീവിക്കുന്ന ഇന്ത്യയും അതിന്റെ സ്വാതന്ത്ര്യവും. ഇന്ത്യൻ ഭരണഘടനാ അസംബ്ലിയിലെ സ്വാധീനമുള്ള അംഗമായി പട്ടേൽ തിരഞ്ഞെടുക്കപ്പെട്ടു. അദ്ദേഹത്തിന്റെ അംഗീകാരത്തിന് ശേഷം, ഡോ. ബി.ആർ. അംബേദ്കറെയും മറ്റ് പല ജോലികൾക്കായി നിയമിച്ചു. ഇന്ത്യൻ പോലീസ് സർവീസസ്, ഇന്ത്യൻ അഡ്മിനിസ്‌ട്രേറ്റീവ് സർവീസസ് എന്നിവയുടെ രൂപീകരണത്തിൽ അദ്ദേഹം ഒരു പ്രധാന പങ്കുവഹിച്ചു. കൂടാതെ, ജവഹർലാൽ നെഹ്‌റു ഗവൺമെന്റ് രൂപീകരിച്ച നയങ്ങളോട്, പ്രത്യേകിച്ച് അഭയാർത്ഥി പ്രശ്‌നങ്ങളെക്കുറിച്ചുള്ള തീരുമാനത്തെ അദ്ദേഹം എതിർത്തിരുന്നു.

വല്ലഭായ് പട്ടേലിന്റെ ആരോഗ്യം 1950-ൽ വഷളായിത്തുടങ്ങി. ആ സമയത്ത് അധികകാലം  അദ്ദേഹത്തിന്റെ ആരോഗ്യം നല്ല രീതിയിൽ തുടരില്ല എന്ന് ഡോക്ടർമാർ അഭിപ്രായപ്പെട്ടു. കുറച്ച് മാസങ്ങൾക്ക് ശേഷം, അദ്ദേഹത്തിന്റെ ശാരീരിക ആരോഗ്യം മന്ദഗതിയിലാകാൻ തുടങ്ങി. 1950 ഡിസംബർ 15 ന് ഹൃദയാഘാതം മൂലം അദ്ദേഹം മരിച്ചു. 2014-ൽ, അദ്ദേഹത്തിന്റെ ജന്മദിനം, അതായത് ജനുവരി 31, രാഷ്ട്രീയ ഏകതാ ദിവസ് അല്ലെങ്കിൽ ദേശീയ ഐക്യ ദിനമായി പ്രഖ്യാപിച്ചു. 1991-ൽ മരണാനന്തര ബഹുമതിയായ ഭാരതരത്‌ന പുരസ്‌കാരം നൽകി അദ്ദേഹത്തെ ആദരിച്ചു.

2018 ഒക്ടോബറിൽ ബഹുമാനപ്പെട്ട ഇന്ത്യൻ പ്രധാനമന്ത്രി ശ്രീ നരേന്ദ്ര മോദി സർദാർ വല്ലഭായ് പട്ടേലിന്റെ ലോകപ്രശസ്തമായ വലിയ പ്രതിമ ഉദ്ഘാടനം ചെയ്തു. പ്രശസ്ത ശില്പിയായ രാം വി.സുതാറാണ് ശിൽപം നിർമ്മിച്ചത്. അദ്ദേഹത്തിന്റെ പ്രതിമ ലോകത്തിലെ ഏറ്റവും വലുതും 182 മീറ്റർ ഉയരവുമാണ് . ഗുജറാത്തിലെ നർമ്മദ ജില്ലയിലെ സരോവർ അണക്കെട്ടിലാണ് ഇത് നിർമ്മിച്ചിരിക്കുന്നത്. 'ഏകത്വത്തിനുള്ള പ്രതിമ' എന്നാണ് ഈ പ്രതിമ അറിയപ്പെടുന്നത്.

വല്ലഭായ് പട്ടേലിന്റെ മുഴുവൻ യാത്രയും അവിശ്വസനീയമാം വിധം  പ്രചോദനകരം ആയിരുന്നു. സമപ്രായക്കാരുടെ ചെറിയ പിന്തുണയോടെ ഈ രംഗത്ത് തന്റെ ലക്ഷ്യങ്ങൾ നേടിയ അദ്ദേഹം സ്വാതന്ത്ര്യത്തിനായുള്ള പോരാട്ടത്തിൽ ഇന്ത്യൻ ജനതയെ ഒരുമിച്ച് കൊണ്ടുവരുന്നതിൽ പ്രധാന പങ്ക് വഹിച്ചു. വൈവിധ്യമാർന്ന സംസ്‌കാരങ്ങളുടെ ഐക്യത്തിലുള്ള അദ്ദേഹത്തിന്റെ വിശ്വാസവും, ഇന്ത്യയുടെ സ്വാതന്ത്ര്യം തിരിച്ചുപിടിക്കാനുള്ള അദ്ദേഹത്തിന്റെ നിരന്തരമായ ശ്രമങ്ങളും അദ്ദേഹത്തെ "ഇന്ത്യയുടെ ഉരുക്കുമനുഷ്യൻ" എന്ന പദവി വീണ്ടും ഊട്ടി ഉറപ്പിച്ചു.

ഇന്ത്യയുടെ സ്വാതന്ത്ര്യ സമരത്തിൽ സർദാർ പട്ടേലിന്റെ സംഭാവനകൾ തികച്ചും മാതൃകാപരവും സമാനതകളില്ലാത്തതുമാണ്. സ്വാതന്ത്ര്യ സമര കാലത്ത് രാഷ്ട്രത്തിലെ യുവാക്കൾക്ക് പ്രചോദനത്തിന്റെ വലിയ ഉറവിടമായിരുന്നു അദ്ദേഹം. ഇന്നും അദ്ദേഹം ആളുകളെ പ്രചോദിപ്പിച്ചുകൊണ്ടിരിക്കുന്നു. സമന്വയത്തെക്കുറിച്ചുള്ള അദ്ദേഹത്തിന്റെ ആശയങ്ങൾ ഐക്യത്തിന്റെ അടിസ്ഥാനം ആധുനിക ഇന്ത്യയിൽ സ്ഥാപിച്ചു. ഇന്ത്യ എന്ന ഭാരതം അതിന്റെ ഉരുക്കുമനുഷ്യനോട് എന്നും കടപ്പെട്ടിരിക്കും!

Reference

https://www.javatpoint.com/sardar-vallabhbhai-patel-essay

ചിത്രങ്ങൾക്ക്‌ കടപ്പാട് : National Herald, Photo Division(Government of India)