ഗിർനാർ ശിലാശാസനം 

സ്കന്ദഗുപ്തൻ: ഭാരതത്തിന്റെ രക്ഷകൻ

അഞ്ചാം നൂറ്റാണ്ടിൽ, പുരാതന ലോകത്തിലെ രണ്ട് മഹാശക്തികളായ  റോമിനെയും ഇന്ത്യയേയും നാടോടികളായ കൊള്ളക്കാരുടെ വൻതോതിലുള്ള കുടിയേറ്റം ഭീഷണിപ്പെടുത്തി. എന്നാൽ ഇവരുടെ അക്രമ കുടിയേറ്റം മൂലം പടിഞ്ഞാറൻ റോമൻ സാമ്രാജ്യം തകർന്നപ്പോൾ, ഗുപ്ത സാമ്രാജ്യത്തിന് അവരെ പരാജയപ്പെടുത്താൻ കഴിഞ്ഞു. എങ്ങനെ?

ശക്തനായ സ്കന്ദഗുപ്തന്റെ കഥയിലാണ് ഉത്തരം. ഗുപ്ത ചക്രവർത്തിയായ കുമാര-ഗുപ്തയുടെ പുത്രനായിരുന്നു അദ്ദേഹം. രണ്ട് മാരകമായ വെല്ലുവിളികളെ നേരിടുകയും അക്ഷരാർത്ഥത്തിൽ സാമ്രാജ്യത്തെ രക്ഷിക്കുകയും ചെയ്തു. ഹൂണ ആക്രമണത്തെക്കുറിച്ചുള്ള പരാമർശം ബിതാരി പില്ലർ ലിഖിതത്തിലെ എട്ടാം ഖണ്ഡത്തിൽ കാണാം. സ്കന്ദഗുപ്തന്റെ ഭരണകാലത്തെ ഏറ്റവും ഭീകരമായ യുദ്ധം ഹൂണർക്കെതിരെയായിരുന്നു.

ഏകദേശം 455 CE-ൽ ഹൂണന്മാർ ഇന്ത്യയെ ആക്രമിക്കാൻ തുടങ്ങി. ചന്ദ്രഗുപ്തന്റെയോ കുമാരഗുപ്തന്റെയോ കാലത്ത് ഇല്ലാതിരുന്ന പ്രശ്‌നം അപ്പോൾ അതിന്റെ ഏറ്റവും വലിയ വെല്ലുവിളിയായ തലത്തിലേക്ക് ഉയർന്നിരുന്നു. അഞ്ചാം നൂറ്റാണ്ടിന്റെ മധ്യത്തിൽ സ്കന്ദഗുപ്തൻ വളരെ ധീരതയോടെ ഹൂണന്മാരെ നേരിട്ടു. ഹൂണരെ നശിപ്പിക്കാൻ സ്കന്ദഗുപ്തന് കഴിഞ്ഞു; ഇനിയൊരിക്കലും ഹൂണന്മാർ ഇന്ത്യയിൽ കാലുകുത്തില്ലെന്ന് അദ്ദേഹം ഉറപ്പുവരുത്തി.

സ്കന്ദഗുപ്തൻ ഹൂണരെ പരാജയപ്പെടുത്തി വിജയിച്ചതിന്റെ വീരകഥയാണ് ജുനാഗഡിലെ പ്രശസ്തമായ ഗിർനാർ ശിലാശാസനം പറയുന്നത്.

സ്കന്ദഗുപ്തന്റെ പ്രതിജ്ഞ ഇപ്രകാരം ആയിരുന്നു

 “ഞാൻ ഹൂണന്മാരെ തോൽപ്പിച്ച് അവരെ എന്റെ രാജ്യത്ത് നിന്ന് ഓടിക്കുന്നത് വരെ  കിടക്കയിൽ ഉറങ്ങുകയില്ല, പാത്രത്തിൽ ഭക്ഷണം കഴിക്കില്ല.ഞാൻ തറയിൽ ഉറങ്ങും, ഇലയിൽ ഭക്ഷണം കഴിക്കും"

ഈ വിജയത്തിന്റെ കാരണങ്ങൾ ലളിതമായിരുന്നു, സ്കന്ദഗുപ്തൻ കുതിരപ്പടയുടെ അമ്പെയ്ത്തിന് വളരെ അയധികം ഊന്നൽ നൽകി. യുദ്ധ ആനകളും കനത്ത കുതിരപ്പടയാളികളും (ഗുപ്ത സൈന്യത്തിന്റെ കാതൽ രൂപപ്പെടുത്തിയത്) ഗുപ്തരെ ഒരു ശക്തമായ ശക്തിയാക്കി.

സ്കന്ദഗുപ്തൻ ഏൽപ്പിച്ച ഈ അത്ഭുതകരമായ പ്രഹരത്തിൽ നിന്ന് അടുത്ത 50 വർഷത്തേക്ക് ഹൂണന്മാർക്ക് കരകയറാൻ കഴിഞ്ഞില്ല. "ഇന്ത്യയുടെ രക്ഷകൻ" എന്ന് പുരാതന ചരിത്രത്തിൽ പ്രസിദ്ധനായ സ്കന്ദഗുപ്തന്റെ മഹത്തായ നേട്ടമാണ് ഹൂണന്മാർക്ക്‌ എതിരായ വിജയം.

Reference 

AnirudhKanisetti.com, defense forum india, prekshaa.in, and ibiblio.org